Biləsuvarda minik avtomobili traktorla toqquşub. Avtosfer.az-ın APA-ya istinadən verdiyi xəbərə görə, qəza Biləsuvar-Bəhrəmtəpə avtomobil yolunda, Biləsuvarın Səmədabad kəndi ərazisində qeydə alınıb. Hərəkətdə olan “Hyundai Elantra” markalı minik avtomobili traktora çırpılıb. Qəza nəticəsində minik avtomobilində olan 3 nəfər – sürücü və iki sərnişin müxtəlif dərəcəli xəsarətlər alıb. Faktla bağlı araşdırma aparılır.
