News24 portalından alınan məlumata görə, ain.az xəbər verir.
İtalyan kino və televiziya aktyoru, xalq artisti Alvaro Vitali 75 yaşında vəfat edib.
News24.az bildirir ki, onun ölüm xəbəri “Il Messaggero” nəşri tərəfindən yayılıb.
Məşhur aktyor iyunun 24-də Romada dünyasını dəyişib. Həyat yoldaşının verdiyi məlumata görə, iki həftə əvvəl pnevmoniya diaqnozu ilə xəstəxanaya yerləşdirilmişdi.
Alvaro Vitali 19 yaşında rejissor Federiko Fellininin “Satirikon” filmində debüt edib. Daha sonra “Klovnlar” və 1973-cü ildə çəkilmiş “Amarcord” filmlərində rol alıb. Vitali 150-dən çox filmdə iştirak edərək İtaliya komediyasının simasına çevrilmişdi.
Aktyorun tamaşaçılar tərəfindən sevilən obrazlarından biri “Pyerino” idi. Bu obrazla “Sənin əcdadların və Pyerinonun əcdadları” və “Pyerino məktəbə qayıdır” kimi filmlərdə çıxış edib.
Tənqidçilər Vitalini İtaliyanın ən dəyəri bilinməyən aktyorlarından biri hesab edirdilər.
Qeyd edək ki, bir neçə gün əvvəl “Santa Barbara” serialının aktyoru Co Marinelli də 86 yaşında vəfat etmişdi. Onun ölüm səbəbi mədə xərçəngi olub.
Hadisənin gedişatını izləmək üçün ain.az saytında ən son yeniliklərə baxın.
