Qafqazinfo portalından verilən məlumata əsasən, ain.az bildirir.
Şabranda ölümlə nəticələnən qəza baş verib.
“Qafqazinfo”nun məlumatına görə, hadisə rayonun Günəşli kəndi ərazisindən keçən hissəsində qeydə alınıb.
Belə ki, “VAZ-Niva”, “KamAz” və “Mercedes-Atego” markalı avtomobillər toqquşub.
Qəza nəticəsində 3 nəfər xəsarət alıb.
Faktla bağlı araşdırma aparılır.
***
Şabranda avtomobil qəzası zamanı yaralanan şəxslərin kimliyi məlum olub.
Yol qəzasında Ağakişiyev Əmrulla Mustafa oğlu, Cəbrayılov Elnur Natiq oğlu və Ağayev Samir Müşviq oğlu müxtəlif dərəcəli bədən xəsarətləri alıblar.
***
“28 iyun 2025-ci il tarixində saat 16:00 radələrində Şabran rayonunda baş verən ağır yol-nəqliyyat hadisəsi nəticəsində xəsarət alan 2 nəfər Şabran Rayon Mərkəzi Xəstəxanasının Təcili tibbi yardım şöbəsinə hospitalizasiya olunub”.
Bu barədə “Qafqazinfo”nun sorğusuna cavab olaraq, Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, 1995-ci il təvəllüdlü şəxsə (kişi cinsli) bud sümüklərinin sınığı, baldırın çoxsaylı sınıqları, 2001-ci il təvəllüdlü şəxsə (kişi cinsli) isə qarın boşluğunun küt travması, sağ gicgah nahiyyəsinin əzilməsi, çanaq nahiyyəsinin travması diaqnozları təyin edilib.
Hazırda hər iki şəxsin vəziyyəti ağır olaraq qiymətləndirilir.
Mübariz Muradov
Sonrakı hadisələr barədə daha çox məlumat almaq üçün ain.az saytını izləyin.
