Portuqaliyalı futbolçular Dioqo Verdaşka, Rojerio Santos və Valdemar Almeydanın “Kəpəz” ilə müqaviləsi başa çatıb.
İdmanxeber.az-ın məlumatına görə, Gəncə klubu adıçəkilən oyunçularla sözləşmə uzamayıb.
“Pana” ləqəbli Almeyda çempionatda “Kəpəz” forması ilə keçirdiyi 29 oyunda 1 dəfə fərqlənib. Müdafiəçi olan Verdaşka 27, Santos isə 31 matçda komandanın şərəfini qoruyub.
“Kəpəz” xidmətlərinə görə bu oyunçulara təşəkkür edib və onlara gələcək karyerasında uğurlar arzulayıb.
