Almaniya Xarici İşlər Nazirliyinin yüksək vəzifəli rəsmisi İohann Vadeful bəyan edib ki, Ukraynanın NATO-ya üzvlük prosesi artıq geridönməz mərhələyə keçib. Bu barədə Vadeful Kiyevdə Ukrayna Prezidenti Volodimir Zelenski ilə görüş zamanı danışıb.
“NATO xarici işlər nazirlərinin sammitində bir daha vurğuladım ki, Ukrayna Alyansa doğru geri dönüşü olmayan yoldadır və Almaniya bu qərarı dəstəkləyir,” – deyə o bildirib.
Vadeful eyni zamanda Ukraynanın Avropa İttifaqına üzv olmaq istiqamətindəki səylərinə də toxunub. Onun sözlərinə görə, Almaniya ümid edir ki, 2025-ci ilin ikinci yarısında, Danimarkanın Aİ Şurasına sədrliyi dövründə, Ukraynanın üzvlük danışıqları üzrə ilk klasterin açılması mümkün olacaq.
“Almaniya bu məsələdə nikbin mövqedədir,” – deyən Vadeful, Almaniyanın birləşməsi ilə bağlı tarixi nümunəni xatırladıb:
“Bəzən ümidlər kiçik görünür. Almaniyanın birləşməsi zamanı da belə idi. Mənim ailəm Almaniya Demokratik Respublikasında yaşayırdı və birləşməyə, hətta bir həftə qalmış belə, inanmırdı. Amma bu baş verdi. Demək, əgər azadlığı müdafiə ediriksə, çox şey mümkündür.”
Prezident Volodimir Zelenski isə Almaniya rəsmisinin bu bəyanatını yüksək qiymətləndirib və “bu cür dəstəkləyici siqnalın Almaniya tərəfindən ya çoxdan, ya da heç vaxt bu səviyyədə verilmədiyini” qeyd edib.
//Samir Qurbanov, Editor.az
