Fövqəl Süni İntellekt (Sİ) laboratoriyası açıldı | VİDEO

AzVision.az “CNBC” nəşrinə istinadən xəbər verir ki, yeni struktura bu sahənin tanınmış fiqurları: “Scale AI”-nin keçmiş baş direktoru Alexandr Van və “GitHub” platformasının keçmiş rəhbəri Net Fridman rəhbərlik edəcək. Bölmə əvvəllər “Llama”nın əsas modelləri, məhsulun Sİ həlləri və “Fundamental AI Research (FAIR)” layihələri üzərində işləmiş komandaların səylərini birləşdirəcək.

“Bu addım “Meta”nın “OpenAI” və “Google”un şiddətli rəqabəti şəraitində süni intellekt yarışında lider mövqe tutmaq ambisiyasını vurğulayır, çünki şirkət sənayenin ən yaxşı istedadlarını aqressiv şəkildə cəlb edir”, - qəzet yazır.

Maraqlıdır ki, “Meta” əvvəllər “OpenAI”nin həmtəsisçisi İlya Sutskever tərəfindən təsis olunmuş“Safe Superintelligence” startapını ələ keçirməyə uğursuz cəhd göstərib, lakin sonradan partnyorları Fridman və Daniel Qrossu işə cəlb edə bilib.

Ambisiyalı planlarını həyata keçirmək üçün şirkət mükəmməl komanda toplayıb. Buraya rəqabət aparan “GPT-4o” və “Gemini” modellərinin əsas tərtibatçıları, həmçinin “GPT-4o” səs rejiminin yaradıcıları və təsvirin yaradılması arxitekturası üzrə mütəxəssislər daxildir.

Artıq bir milyardlıq auditoriyaya malik məhsullara inteqrasiya edilmiş mövcud “Llama 4.1 və 4.2” modellərinin inkişafı ilə paralel olaraq, laboratoriya süni intellektin (Sİ) növbəti nəslini yaratmağa başlayacaq. Zukerberq fövqəl intellektin yaradılmasının“bəşəriyyət üçün yeni dövr” açacağına əminliyini ifadə edib.

Şirkət vurğulayır ki, “Meta” layihələrin miqyasını genişləndirmək üçün unikal resurslara, o cümlədən böyük hesablama gücünə və kütləvi məhsullar yaratmaq təcrübəsinə malikdir.
Rəhbərliyin fikrincə, istedadlı mütəxəssislərin şirkətə axını inkişafı sürətləndirəcək və nəticədə“hər bir istifadəçiyə şəxsi fövqəl intellekt”verəcək.


Sahil İsgəndərov
AzVision.az