İran parlamentinin sabiq sədr müavini Əli Motəhhari Rusiyanın “strateji tərəfdaşlıq” iddialarını tənqid atəşinə tutub.
KONKRET.az xəbər verir ki, Motəhhari “X” sosial şəbəkəsində paylaşımında yazıb: Rusiya S-400 hava hücumundan müdafiə sistemini Türkiyə və Səudiyyə Ərəbistanına təhvil verib, lakin bu silahı İrana verməkdən imtina edir. Onun sözlərinə görə, İran Ukrayna müharibəsində Rusiyaya dronlarla dəstək versə də, Moskva S-400 sistemlərini verməkdən çəkinir. Bunun səbəbi isə Rusiyanın həmin silahların İsrailə qarşı istifadə olunacağından ehtiyat etməsidir.
Sabiq siyasətçi ironik şəkildə əlavə edib: “Putinin İslam Respublikası ilə öyündüyü ‘strateji tərəfdaşlıq’ məhz belə görünür”.
Natiq Səlim,
KONKRET.az
