Azərbaycan bizim potensial hərbi rəqibimizdir və müharibə edə bilərik. Vətəninfo.az xəbər verir ki, bu barədə sosial şəbəkələrdə rusiyalı hərbi ekspert İqor Strelkov yazıb.
“Azərbaycan diasporu ilə bağlı vəziyyətə, Rusiya-Azərbaycan münasibətlərinin kəskinləşməsinə gəlincə, qeyd etmək istəyirəm ki, bütün bunlar tamamilə gözlənilən haldır. Əgər Azərbaycanın Rusiya ilə münasibətlərin daha da kəskinləşməsinin dəqiq müəyyən edilmiş vektoru olmasaydı və kifayət qədər sürətlə anti-Rusiya mövqeyinə keçməsəydi, o zaman etnik rusiyalı azərbaycanlıların həbsləri və ya hətta ölümləri rəsmi Bakını narahat etməyəcəkdi. Siyasi sifariş var. Rusiya hüquq-mühafizə orqanlarının nə dərəcədə qanun əsasında hərəkət etdiyini və ya hər hansı pozuntunun olub-olmadığını söyləməyə hazır deyiləm, ola bilsin ki, belə bir şey olub. Qiymətləndirməyəcəm, çünki heç nə bilmirəm. Amma bir daha qeyd etmək istəyirəm ki, cinayətkarların, xüsusən də cinayət törətmiş şəxslərin həbsi dövlətin daxili işidir, hətta cinayətkarlar xarici vətəndaşlar da olsa belə. Bu halda onlar xarici vətəndaşlar deyil, ikili vətəndaşlığı olsalar belə, Rusiya vətəndaşlarıdırlar ki, bu da nəzəri cəhətdən mümkündür.Digər tərəfdən biz müharibə etmək imkanlarımızı müzakirə etməliyik. Azərbaycan güclü Türkiyə və Pakistanla tərəfdaşdır.”, – Strelkov yazıb.
