ain.az, Bizimyol portalına istinadən məlumat verir.
Oxumaq insanda təfəkkür, nitq, dinləmək və susmaq qabiliyyətini, həmçinin introspeksiya və müzakirə qabiliyyətini inkişaf etdirir. Oxuyarkən insan mətnlə təmasda olur, oxuduqları haqqında fikirləşir və öz fikrini formalaşdırır. Kitab oxumaq beyni aktivləşdirir, onu məlumatları təhlil etməyə və nəticə çıxarmağa məcbur edir.
Kitab oxumaq söz bazasını genişləndirir, cümlə qurma bacarıqlarını təkmilləşdirir və nitqi daha tutarlı edir. İnsanlar oxuduqları haqqında düşünmək, təhlil etmək və başqaları ilə müzakirə etmək imkanına sahib olur.
Qısası, kitab oxumaq şəxsi inkişaf üçün mühüm vasitədir. Kitab tənqidi təfəkkürün formalaşmasına, dünyaya baxış bucağının genişlənməsinə və ünsiyyət bacarıqlarının inkişafına töhfə verir.
Düzdür, son zamanlar insanlar kitab oxumağa üstünlük vermirlər. Amma psixologiya da sübut edib ki, kitab oxumaq həm də yuxunu qaydasına salır. Yatmamışdan öncə bir neçə dəqiqə kitab oxumaq beyni rahatlaşdırır və rahat yuxuya getməyə yardımçı olur. Kitablar həm də əsəbləri sakitləşdirir. Əsəbləşdiyiniz zaman kitab oxumağa başlasanız, diqqətiniz yayındığı üçün sakitləşə bilərsiniz.
Çalışın ki, heç olmasa, ayda bir dəfə kitab oxuyasınız. Bu, sizin psixoloji və mənəvi rahatlığınız üçün faydalıdır.
İradə Cəlil, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
