“Barselona” klubu uzun müddətdir yenidənqurma işləri aparılan “Kamp Nou” stadionundan yeni görüntülər paylaşıb.
90deqiqe.Az-ın klubun rəsmi saytına istinadən məlumatına görə, videoda arenanın son vəziyyəti əks olunub.
Kadrlarda tikinti kranlarının hələ də ərazidə mövcud olmasına baxmayaraq, stadionun böyük ölçüdə tam formalaşdığı müşahidə olunur. Tribunalarda və arenanın ümumi infrastrukturunda əsas mərhələlər artıq yekunlaşıb.
Paylaşımda qısa, lakin mənalı bir ifadə yer alıb: “Ev hazır vəziyyətə gəlməkdədir.”
Qeyd edək ki, “Kamp Nou”nun yenilənməsi layihəsi 2022-ci ilin yayında start götürüb. “Barselona” bu müddət ərzində ev oyunlarını Luıs Kompanis adına Olimpiya stadionunda keçirir. Komandanın doğma arenasına qayıdışı 2025/2026 mövsümünə planlaşdırılıb.
Bu gönderiyi Instagram'da gör
FC Barcelona (@fcbarcelona)'in paylaştığı bir gönderi
