"Barselona" futbolçusu Pablo Torre ilə yollarını ayırır.
QOL.az xəbər verir ki, bu barədə insayder Fabrizio Romano "Jijantes" nəşrinə istinadən məlumat yayıb.
22 yaşlı hücumameyilli yarımmüdafiəçi "Malyorka"ya keçir. "Barselona" bu transferdən 5 milyon avro qazanacaq. Həmçinin oyunçunun gələcək satışından da Kataloniya klubu 50 faiz gəlir əldə edəcək.
Qeyd edək ki, Pablo Torre 2022-ci ilin yayından "Barselona"da çıxış edir. O, ötən mövsüm komandasının heyətində 14 oyuna çıxaraq 4 qol vurub və 3 qolun ötürməsini edib. Futbolçunun klubla olan hazırkı müqaviləsi 2026-cı ilin yayına qədərdir.
