ŞƏKİ, 10 iyul. TELEQRAF
Şəkidə 50 yaşlı kişi bıçaqlanıb.
Teleqraf-ın yerli bürosunun xəbərinə görə, rayonunun Kiçik Dəhnə kəndində bıçaqlanma hadisəsi qeydə alınıb. Belə ki, 1989-cu il təvəllüdlü Rəhman Abdulkərimov mübahisə zəminində qohumu, 50 yaşlı Bəşir İlyazova bıçaqla xəsarət yetirib.
DİN-in Mətbuat Xidmətinin regional qrupundan sorğuya cavab olaraq bildirilib ki, polis əməkdaşlarının keçirdikləri tədbirlərlə R. Abdulkərimov saxlanılıb.
Müvafiq ekspertiza təyin olunub, araşdırmalar aparılır.
