ain.az, Oxu.az portalına istinadən məlumat verir.
"X" sosial şəbəkəsinin sahibi İlon Mask rəsmi olaraq, dünyanın ən qabaqcıl süni intellekti adlandırdığı "Grok" çat-botunun dördüncü versiyasının buraxılışını elan edib.
Oxu.Az-ın verdiyi məlumata görə, süni intellektin yeni versiyasının təqdimatı amerikalı milyarderin "X" hesabında baş tutub.
"Süni intellekt sahəsindəki inkişafı izləmək son dərəcə maraqlıdır. Mən bunu insanın inkişafı ilə müqayisə edərdim - necə ki, insan tez öyrənir, daha şüurlu olur, süni intellekt ondan da sürətlə inkişaf edir", - deyə Mask "Grok 4"ün təqdimatı zamanı bildirib.
Qeyd edək ki, Mask 2023-cü ilin aprelində süni intellekt sahəsində fəaliyyət göstərən "xAI" startapını yaradıb. Bir neçə ay sonra şirkət süni intellektə əsaslanan "Grok" çat-botunu təqdim edib. Layihənin müəllifləri bildirirlər ki, bu məhsul analoqlarından senzuranın olmaması və real vaxtda aktual məlumatlara çıxış imkanı ilə fərqlənir.
Releasing @Grok 4 from @xAI https://t.co/SYJbxJySSR
— Elon Musk (@elonmusk) July 10, 2025
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
