ain.az, Azpolitika.az saytından verilən məlumata əsaslanaraq xəbər yayır.
Rusiya Dnepropetrovsk vilayətində 10 km irəliləməyi planlaşdırır.
“AzPolitika” xəbər verir ki, bunu Ukrayna Hərbi Kəşfiyyat İdarəsinin rəhbəri Kirill Budanov “Bloomberg”-ə müsahibəsində deyib.
Onun sözlərinə görə, Rusiya qoşunlarının məqsədi sonradan siyasi müstəvidə bu vilayət ərazisinə “girdiyini” elan etmək üçün 10 kilometr dərinliyə qədər bufer zona yaratmaqdır.
Eyni zamanda Budanov vurğulayıb ki, Rusiya ilin sonuna qədər Donetsk vilayətini tam işğal edə bilməyəcək.
O, həmçinin atəşkəs perspektivləri ilə bağlı nikbin olduğunu bildirib. Onun sözlərinə görə, real atəşkəsə yaxın aylarda nail olmaq olar: "Bu, mümkün qədər tez, bu ilin sonuna qədər əldə edilməlidir. Bunu etmək mümkündürmü? Bəli. Çətindirmi? Xeyr. Bunun üçün ən azı üç tərəf lazımdır: Ukrayna, Rusiya və ABŞ. Və biz buna nail olacağıq".
O əlavə edib ki, ABŞ-dəki siyasi dəyişikliklərə baxmayaraq, Vaşinqton yaxın gələcəkdə Ukraynaya dəstəyini davam etdirəcək. Donald Trampın mövqeyinə toxunan Budanov bildirib ki, ABŞ Prezidenti təkcə mediada verdiyi açıqlamalara görə mühakimə edilməməlidir: “Mən xüsusi xidmət orqanının rəhbəri kimi daha çox bilirəm. Onun mövqeyi ardıcıldır”.
Budanov həmçinin deyib ki, hazırda Rusiyanın Ukraynaya qarşı müharibədə istifadə etdiyi sursatın 40%-ə qədəri KXDR-dən verilir. Onun sözlərinə görə, bunun müqabilində Rusiya Pxenyanı pul və texnologiya ilə təmin edir və ona çoxsaylı sanksiyalardan qurtulmağa kömək edir.
Budanov Şimali Koreya haqqında deyib: "Onların böyük anbarları və gecə-gündüz istehsal edilən yaxşı silahları var".
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
