ain.az, Azpolitika.az portalına istinadən məlumat yayır.
Azərbaycan Dövlət Neft Şirkətinin (SOCAR) gəlirliliyi 2025-2026-cı illərdə sabit qalacaq.
“AzPolitika” xəbər verir ki, nüfuzlu “Moody's” reytinq agentliyinin proqnozunda belə deyilir.
Agentlik qeyd edir ki, SOCAR üçün makroiqtisadi mühit yaxşılaşıb, hökumətin lazım gəldikdə şirkətə dəstək vermək üçün maliyyə potensialı artıb ki, bu da şirkətin kredit reytinqi üçün müsbət amildir.
Bundan əlavə, Moody's SOCAR-ın reytinqini investisiya dərəcəsinə yüksəldib: "Suveren reytinqin yüksəldilməsi, son şoklar və neft qiymətlərinin dəyişməsi şəraitində makroiqtisadi sabitliyin qorunmasında uzunmüddətli təcrübənin nümayiş etdirdiyi kimi, institusional effektivliyin yüksəldilməsi ilə bağlıdır. Davam edən tənzimləmə islahatları bank sektorunun sabitliyini gücləndirib, eyni zamanda, Azərbaycanın hidrokarbonlardan asılılığının azaldılması üzrə davamlı öhdəlik büdcənin maliyyə dayanıqlılığını yaxşılaşdırıb. Nəqliyyat sektorunda sürətli artım sayəsində iqtisadiyyatın şaxələndirilməsi sahəsində də irəliləyişlər əldə edilib, nəticədə SOCAR üçün əməliyyat və makroiqtisadi mühit yaxşılaşıb, dövlətin zərurət yarandığı təqdirdə şirkətə dəstək olmaq üçün maliyyə imkanları artıb ki, bu da SOCAR üçün müsbət kredit faktorudur”.
“AzPolitika.info”
Daha ətraflı məlumat və yeniliklər üçün ain.az saytını izləyin.
