BAKI, 13 iyul. TELEQRAF
Amerikalı milyarder İlon Maskın sahibi olduğu "SpaceX" şirkəti, çat-bot Grok-un tərtibatçısı olan xAI şirkətinə 2 milyard dollar investisiya yatırıb.
Teleqraf xəbər verir ki, bu barədə "The Wall Street Journal" məlumat yayıb.
Nəşrin qeyd etdiyinə görə, bu məbləğ Grok-un istehsalçısı tərəfindən cəlb edilmiş son investisiya paketinin təxminən yarısını təşkil edir. Bildirilir ki, "SpaceX"in bu yatırımı iyun ayında elan olunmuş 5 milyard dollarlıq ümumi səhm kapitalının bir hissəsidir.
Gözlənilir ki, 2025-ci ilin sonuna doğru xAI daha geniş həcmdə investisiya cəlb edəcək.
