Ukrayna Təhlükəsizlik Xidməti (UTX) əməkdaşları polkovnik İvan Voroniçin qətlində iştirak edən Rusiya agentlərini Kiyevdə keçirilən xüsusi əməliyyatla zərərsizləşdirib.
UTX-nin məlumatına görə, Rusiya Federal Təhlükəsizlik Xidməti (FTX) tərəfindən Ukraynaya göndərilən agent-döyüş qrupu polkovnikin izlənməsi və öldürülməsi əməliyyatını həyata keçirib.
Cinayəti bir kişi və bir qadın törədib, onlar polkovnikin marşrutunu əvvəlcədən öyrənərək iyulun 10-da Kiyevdə onu beş güllə ilə qətlə yetiriblər.
Xidmətdən bildirilib ki, əməliyyata şəxsən UTX rəhbəri Vasili Malyuk rəhbərlik edib. Axtarış nəticəsində cinayətkarlar aşkarlanıb və silahlı müqavimət göstərən şəxslər zərərsizləşdirilib.
