İsrail Müdafiə Qüvvələri (İDF) Qəzza zolağında HƏMAS və "İslami Cihad" qruplaşmalarının bir neçə səhra komandirini məhv edib.
Axar.az xəbər verir ki, bu barədə İsrail ordusunun (ÇAXAL) məlumatında deyilir.
"Son iki həftə ərzində İDF HƏMAS-ın hərbi qanadı və "İslami Cihad" təşkilatının müxtəlif bölmələrindəki bir sıra komandirləri məhv edib", - bildirilib.
Qeyd edilir ki, radikallar HƏMAS-ın silah istehsalı üçün qərargah və hərbi kəşfiyyat bölməsini yenidən yaratmağa cəhd ediblər.
