Çin ABŞ prezidenti Donald Trampın Ukraynadakı müharibənin 50 gün ərzində bitməyəcəyi təqdirdə Rusiyanın ticarət tərəfdaşlarına qarşı tariflər tətbiq etmək fikrinə son dərəcə mənfi reaksiya verib...
Poliqon xəbər verir ki, Çin Xarici İşlər Nazirliyinin sözçüsü Lin Jian mətbuat konfransında verdiyi açıqlamada bu cür hərəkətlərə kəskin etirazını bildirib.
"Çin istənilən qeyri-qanuni birtərəfli sanksiyalara qəti şəkildə qarşı çıxır. Tarif müharibələrində qalib yoxdur, məcburiyyət və təzyiq heç nəyə gətirib çıxarmayacaq", deyə o bildirib.
Lin Jian həmçinin əlavə edib ki, Pekinin Ukraynadakı müharibə ilə bağlı mövqeyi aydın və ardıcıl olub və qalır:
"Biz həmişə hesab etmişik ki, dialoq və danışıqlar böhrandan yeganə səmərəli çıxış yoludur. Ümid edirik ki, tərəflər siyasi nizamlanma üçün atmosfer və şəraitin yaradılmasına töhfə verəcək və dinc danışıqları asanlaşdıracaq şəkildə hərəkət edəcəklər".
Dünən Amerika Birləşmiş Ştatlarının prezidenti Donald Tramp Rusiyaya ultimatum elan edib: Moskva 50 gün ərzində Ukraynadakı müharibəni dayandırmalıdır, əks halda Vaşinqton onunla ticarəti davam etdirən bütün ölkələrə qarşı 100% ikinci dərəcəli tariflər tətbiq edəcək.
Daha sonra ABŞ senatoru Lindsi Qrem Vladimir Putinə Tehrana zəng etməyi və prezident Donald Trampın təklifini rədd edəcəyi təqdirdə Moskvanı nə gözlədiyini öyrənməyi tövsiyə edib. Eyni zamanda, Çin lideri Si Szinpin bu bəyanatlar fonunda artıq Rusiyaya dəstəyini gücləndirəcəyinə söz verib.
Poliqon.info
