Bakı,17 iyul, AZƏRTAC
Qadın həndbolçulardan ibarət “Kür” komandası heyətinə iki yeni oyunçu cəlb edib.
AZƏRTAC-ın əldə etdiyi məlumata görə, serbiyalı Teodora Petkoviç və monteneqrolu Esma Muratoviç Mingəçevir təmsilçisinə keçiblər. Onlarla 1 illik müqavilə imzalanıb.
Qeyd edək ki, “Kür” komandası Avropa Kubokunun ikinci təsnifat mərhələsində Portuqaliyanın “San-Pedru-du-Sul” klubu ilə qarşılaşacaq. Bu raundun ilk oyunları sentyabrın 27-28-də, cavab matçları isə oktyabrın 4-5-də olacaq.
