“Liverpul”un hücumçusu Məhəmməd Salah öz futbol səviyyəsini yüksək qiymətləndirib.
90deqiqe.Az-ın “France Football”a istinadən yaydığı xəbərə görə, misirli ulduz, Afrika futbol tarixinin ən yaxşı oyunçusu olduğunu bildirib.
“Özümü bütün dövrlərin ən yaxşı afrikalı futbolçusu hesab edirəm, çünki bu baxımdan Didye Droqba, Corc Vea, Yaya Ture və Samuel Eto’o kimi əfsanələri də geridə qoyduğumu düşünürəm”, – deyə 32 yaşlı forvard vurğulayıb.
Hazırda Salahın “Liverpul”la olan müqaviləsi daha iki mövsüm qüvvədədir. Klubun heyətində o, indiyədək 401 oyunda meydana çıxaraq 245 qol vurub və 113 məhsuldar ötürmə verib.
