Bu ilin II rübündə Azərbaycanda mənzillərin bahalaşması qeydə alınıb.
Bu barədə Operativ Media Dövlət Statistika Komitəsindən məlumat əldə edib.
Belə ki, 2025-ci ilin II rübündə mənzil bazarında qiymət indeksi 2025-ci ilin I rübünə nisbətən 1,1% bahalaşıb.
Bahalaşma ilkin mənzil bazarında 3,2%, təkrar mənzil bazarında isə 1,1% olub.
Bununla yanaşı, 2025-ci ilin II rübündə mənzil bazarında qiymət indeksi 2024-cü ilin II rübünə nisbətən 13,2% artıb.
Bu dövr ərzində bahalaşma ilkin mənzil bazarında 12,9%, təkrar mənzil bazarında isə 13,2% olub.
