TBİLİSİ, 23 iyul. TELEQRAF
“Azərbaycanın xarici işlər naziri Ceyhun Bayramovu Tbilisidə qəbul etmək şərəf idi”.
Teleqraf-ın yerli bürosu xəbər verir ki, bunu Gürcüstanın xarici işlər naziri Maka Boçorişvili “X” hesabında yazıb.
O qeyd edib ki, Gürcüstanla Azərbaycan arasında strateji tərəfdaşlıq və sıx dostluq artıq nəzərəçarpan nəticələr verir.
“Bizim güclü öhdəliyimiz regional sabitlik, tərəqqi və əlaqələndirməni daha da möhkəmləndirəcək”, - nazir yazıb.
Xatırladaq ki, C.Bayramov ötən gün Gürcüstanda rəsmi səfərdə olub.
