Avropa Ukraynadakı vəziyyətə etinasız yanaşır | VİDEO

AzVision.az xəbər verir ki, jurnalist Hamiş de Bretton-Qordonun“The Telegraph” nəşrində dərc olunan məqaləsində belə deyilir.

“Prezident Trampın Ukraynadakı müharibənin gedişatını dəyişə biləcək müdaxiləsindən sonra Avropa liderləri və ölkələri nəzərlərini Şərqdən başqa hər yerə yönəldirlər”,- materialda vurğulanır.

Jurnalist qeyd edib ki, bir çox qərb siyasətçiləri hazırda ya məzuniyyətdədirlər, ya da tamamilə bu bu barədə fikirlərlə məşğuldurlar. Onun fikrincə, Ukraynada vəziyyətin hər gün pisləşdiyi bir vaxtda siyasətçilərin məzuniyyətə getməyə haqqı yoxdur.

Tramp Kiyev üçün ilk hərbi kontraktı təsdiqləyib

Bundan əvvəl Fransanın “Le Figaro” qəzeti Rusiya ordusunun hücumunun sürətlənən tempi fonunda Ukrayna Silahlı qüvvələrinin (USQ) 2025-ci ilin sonuna qədər cəbhənin dağılması ilə üzləşə biləcəyini yazıbr. Nəşr qeyd edib ki, Kiyev üçün münaqişə “artıq uduzulub”, çünki Qərbsiz Ukrayna Moskvaya qarşı heç nə edə bilməz.

Xatırladaq ki, iyulun 14-də Tramp NATO ilə Ukraynanın müdafiəsini dəstəkləmək üçün alyans vasitəsilə Kiyevə silah tədarükü barədə razılıq əldə etdiyini açıqlayıb.

Bununla belə, NATO-ya üzv olan bəzi Avropa ölkələri öz büdcələri hesabına Ukraynanı Amerika silahları ilə təchiz etmək istəmədiklərini vurğulayırlar.


Sahil İsgəndərov
AzVision.az