Bu il Sürix Film Festivalının “Qızıl Göz” mükafatı məşhur britaniyalı aktyor Benedikt Kamberbetçə təqdim olunacaq.
Kulis.az xəbər verir ki, aktyor festival çərçivəsində sentyabrın 29-da keçiriləcək mərasimdə mükafatı şəxsən alacaq.
O, həmçinin festival iştirakçıları üçün xüsusi masterklas da keçirəcək.
Sürix Film Festivalının direktoru Kristian Yunqen Kamberbetç haqqında belə deyib:
“Benedikt Kamberbetç öz nəslinin ən çoxyönlü aktyorlarından biridir. O, həm sənətkarlığı, həm də ekran qarşısında yaratdığı emosional dərinliklə fərqlənir”.
Qeyd edək ki, Sürix Film Festivalı bu il sentyabrın 25-dən oktyabrın 5-dək keçiriləcək.
