Balakən rayonunun Qullar kəndi ərazisində “Mercedes” markalı avtomobil idarəetmədən çıxaraq piyada, 1993-cü il təvəllüdlü Günel Bahalovanı vurub, daha sonra isə mağazaya çırpılıb.
APA-nın xəbərinə görə, nəticədə piyada aldığı xəsarətlərdən hadisə yerində ölüb. Avtomobilin sürücüsü 29 yaşlı İmam Babazadə isə xəsarət alıb.
DİN-in Mətbuat Xidmətinin Şəki regional qrupundan APA-ya bildirilib ki, faktla bağlı cinayət işi başlanılıb, araşdırmalar aparılır.
***
13.01
Balakəndə ağır yol qəzası baş verib.
APA-nın Şimal-qərb bürosunun məlumatına görə, hadisə rayonun Qullar kəndi ərazisində baş verib. “Mercedes” markalı minik avtomobili idarəetmədən çıxaraq yolun kənarındakı dəmir qapıya və hazırda fəaliyyət göstərməyən dükana çırpılıb.
İlkin məlumata görə, qəzada bir nəfər ölüb, bir nəfər xəsarət alıb.
Faktla bağlı araşdırma aparılır.
