Şəmkirdə 30 yaşlı kişini bıçaqlayan şəxs tutulub.
APA-nın yerli bürosunun məlumatına görə, hadisəni törədən rayon sakini 1993-cü il təvəllüdlü Samir Quliyev polis tərəfindən saxlanılıb.
Qeyd edək ki, rayonun Dəllər Daşbulaq kənd sakini 1993-cü il təvəllüdlü Samir Quliyev münaqişə zəminində Dəllər Cırdaxan kənd sakini, 1995-ci il təvəllüdlü Cabbar Həsənova bıçaqla xəsarət yetirib.
***
22.52
Şəmkir rayonunda baş verən bıçaqlanma hadisəsinin bəzi detalları açıqlanıb.
APA-nın yerli bürosunun məlumatına görə, rayonun Dəllər Daşbulaq kənd sakini, 1993-cü il təvəllüdlü Quliyev Samir Şərif oğlu münaqişə zəminində Dəllər Cırdaxan kənd sakini, 1995-ci il təvəllüdlü Həsənov Cabbar Füzuli oğlunu bıçaqlayaraq ona xəsarət yetirib.
Faktla bağlı araşdırmalar davam etdirilir.
TƏBİB-dən bildirilib ki, 23.07.2025-ci il, 20:20 radələrində xəsarət alan 1995-ci il təvəllüdlü şəxs (kişi cinsli) Şəmkir Rayon Mərkəzi Xəstəxanasının Təcili tibbi yardım bölməsinə hospitalizasiya olunub.
Bildirilib ki, başın arxa nahiyəsinin deşilmiş yarası, sol bazunun yuxarı 1/3-nin deşilmiş yarası, döş qəfəsinin sol yan hissəsinin deşilmiş yarası diaqnozları təyin edilən şəxsə zəruri tibbi xidmətlər göstərilib. Vəziyyəti qənaətbəxş qiymətləndirilən pasiyent ambulator müalicə üçün evə buraxılıb.
***
***
21:36
Şəmkir rayonunda bıçaqlanma hadisəsi baş verib.
APA-nın yerli bürosunun məlumatına görə, insident rayon ərazisində qeydə alınıb.
İki nəfər arasında yaranan mübahisə zamanı 1995-ci il təvəllüdlü C.Həsənov bıçaqlanıb.
Yaralı dərhal xəstəxanaya yerləşdirilib.
