Faktorinq xidmətləri götərən "Ferrum Kapital" QSC 2024-cü ili 2 milyon 708 min manat xalis məmfəət ilə başa vurub. Şirkət 2023-cü ili 2 milyon 265 min manat xalis mənfəət ilə bağlamışdı. Beləliklə, "Ferrum Kapital"ın xalis mənfəəti 2024-cü ildə 2023-cü illə müqayisədə 443 min manat və ya 19,5% artıb.
Marja.az xəbər verir ki, "Ferrum Kapital"ın cəmi gəlirləri 2023-cü ildə 18 milyon 53 min manat ikən, 2024-cü ildə 22 milyon 514 min manat təşkil edib (4 milyon 461 min manat və ya 24,7% artıb).
Ötən il "Ferrum Kapital"ın kredit portfeli 10 milyon 405 min manat və ya 25,8% artaraq 31 dekabr 2024-cü il tarixində 50 milyon 647 min manata çatıb.
"Ferrum Kapital" QSC-nin nizamnamə kapitalının 68%-i Demirçi Qafar Aydın oğluna, 23%-i İran vətəndaşı Habib Zadeh Mohammad Reza Parviz-ə, 4,5%-i "AQA" Şirkətlər Qrupuna, 4,5%-i "Vesta İnvestment" QSC-yə məxsusdur. “AQA Şirkətlər Qrupu”nun təsisçisi, tanınmış iş adamı Aydın Demirçidir.
Qeyd edək ki, "Fеrrum Kapital" QSС 1 milyon manatlıq istiqraz buraxıb (hər birinin nominal dəyəri 100 manat оlап 10 000 ədəd, faizli, təmin edilməmiş, sənədsiz, adlı istiqrazlar). İstiqrazlar üzrə faiz dərəcəsi illik 14%, tədavül müddəti 12 aydır.
