Amerikalı aktyor və güləşçi Halk Hoqan 72 yaşında vəfat edib.
Publika.az xəbər verir ki, bu barədə TMZ məlumat yayıb .
O, iyulun 24-də səhər tezdən Florida ştatındakı ( ABŞ ) Klearvater şəhərindəki evində həyatla vidalaşıb. Təcili yardım operatorları jurnalistlərə bildiriblər ki, Hoqanın ürəyi dayanıb.
Hadisə şahidləri sənətçinin evinin yaxınlığında bir neçə polis maşınının və təcili yardım maşınlarının növbətçi olduğunu bildiriblər. Halk Hoqanın cəsədi xərəkdə aparılıb.
Hoqanın həyat yoldaşı Skay bir neçə həftə əvvəl onun komada olması ilə bağlı yayılan xəbərləri təkzib edərək, əməliyyatdan sonra ürəyinin yaxşı vəziyyətdə olduğunu deyib. Eyni zamanda mətbuatda sənətçinin may ayında keçirdiyi boyun əməliyyatından sonra fəsadlar yaşadığı barədə məlumatlar yayılıb.
