Bakı, 24 iyul, AZƏRTAC
Bu gün təqdimatı keçirilən "Bir səfərin izi ilə - Fransa" sənədli filmi artıq bu layihənin 6-cı ekran əsəridir. Bundan əvvəl Heydər Əliyevin Çin, Yaponiya, İtaliya, Böyük Britaniya və Türkdilli dövlətlərə olan səfərlərini işıqlandırmışdıq. Bu dəfə növbə Fransaya çatdı.
AZƏRTAC xəbər verir ki, bunu layihə rəhbəri, tanınmış səyyah və jurnalist Azər Qərib deyib.
"Heydər Əliyev Azərbaycan ilə Fransa arasında dostluq əlaqələrinin bünövrəsini qurmuşdu. Onun iki ölkə arasında dostluq əlaqələrinin formalaşmasında müstəsna rolu var. Biz bu məqamlara da toxunmuşuq" - deyə o diqqətə çatdırıb.
