ABŞ prezidenti Donald Tramp ictimai münaqişədən sonra iş adamı İlon Maskla barışa biləcəyinə eyham vurub...
Poliqon xəbər verir ki, dövlət başçısı bu barədə Truth Social-da yazıb.
"Hamı iddia edir ki, mən İlonun şirkətlərini məhv edəcəyəm, onu ABŞ hökumətindən aldığı böyük subsidiyaların hamısından olmasa da, bir qədərindən məhrum edəcəyəm. Bu doğru deyil! Mən İlonun və ölkəmizdəki bütün bizneslərin çiçəklənməsini, üstəlik, heç vaxt olmadığı kimi çiçəklənməsini istəyirəm", deyə Tramp bildirib.
Onun sözlərinə görə, onlar nə qədər yaxşı çıxış etsələr, bu, ABŞ üçün bir o qədər yaxşıdır:
"Və bu, hamımız üçün yaxşıdır. Biz hər gün rekordlar qoyuruq və bunun belə qalmasını istəyirəm!".
Bu yaxınlarda İlon Mask Amerika Partiyasının yaradıldığını elan edib. Bu, onun Trampla siyasi ittifaqı səs-küylü fasilə ilə başa çatdıqdan sonra baş verib. ABŞ prezidenti Maskın yeni partiyasına reaksiya verib. Amerika lideri milyarderin niyyətlərini açıq şəkildə ələ salıb.
Axios qəzeti Trampın federal hökumət qurumlarının onun keçmiş müşaviri Maskın xAI şirkəti ilə müqavilə bağlamasını istəmədiyini bildirib. Nəşr izah edib ki, əgər Tramp öz administrasiyasına xAI-ni hər hansı federal müqavilələrdən xaric etməyi tapşırsa, şirkət hökumətlə böyük maliyyə imkanlarını itirəcək.
Poliqon.info
