Ukrayna prezidenti Volodimir Zelenski Ali Radaya iyulun 22-də qəbul edilmiş antikorrupsiya orqanlarının səlahiyyətlərinin məhdudlaşdırılması haqqında qanunun faktiki olaraq ləğvini nəzərdə tutan qanun layihəsi təqdim edib...
Poliqon xəbər verir ki, planlaşdırılan islahat 2022-ci ildən bəri mövcud hökumətə qarşı ilk kütləvi etirazlara səbəb olub.
"Ukrayna Milli Antikorrupsiya Bürosunun (NABU) və Xüsusi Antikorrupsiya Prokurorluğunun (SAPO) fəaliyyəti ilə bağlı yeni qanun layihəsi ədalət naminə təqdim edilir", deyə Zelenski Telegram kanalında bildirib.
Onun sözlərinə görə, bu, korrupsiyaya qarşı mübarizə orqanlarının müstəqilliyinə tam təminat və Rusiyanın müdaxiləsinin qarşısını almaq üçün real imkanlar verəcək. O əlavə edib ki, qanun layihəsində müxtəlif sui-istifadələrdən qoruyan müddəalar var. Onların arasında müvafiq qurumların əməkdaşları üçün mütəmadi olaraq yalan detektoru testləri də var.
Qərb ölkələri anti-korrupsiya strukturlarını sökmək üçün Kiyevə dəstəyi geri götürməklə hədələyib. Qərarla razılaşmayan ukraynalı fəallar qanunun qəbul edilməsinin əsl səbəbinin prezidentin yaxın çevrəsindən olan insanlara qarşı NABU və SAP araşdırmaları olduğunu iddia ediblər.
Poliqon.info
