Rəqəmsal iqtisadiyyatın dinamik inkişafı ani ödəniş sistemlərini sadəcə rahatlıq vasitəsi deyil, eyni zamanda maliyyə dövriyyəsinin sürətlənməsi, kölgə iqtisadiyyatının qarşısının alınması və nağdsız ödənişlərin təşviqi baxımından strateji alətə çevirib.
Rəqəmsal ödəniş texnologiyaları üzrə ekspert Emil Abbasovun sözlərinə görə, saniyələr içində həyata keçirilən köçürmələr bizneslər üçün likvidliyin idarə edilməsini asanlaşdırır, vətəndaşlar üçün isə gündəlik ödənişləri daha çevik və təhlükəsiz edir. Ənənəvi ödəniş sistemləri ilə müqayisədə ani ödənişlər həm də bank sektorunun rəqəmsallaşma tempinə təkan verir.
