Uşaqlarda sağlam inkişafın əsas şərtlərindən biri olan mikrobiyota balansının qorunması son dövrlərdə daha çox diqqət mərkəzinə çevrilib.
Pravda.az bildirir ki, xüsusilə immun sisteminin formalaşdığı erkən yaş dövrlərində probiyotiklərin istifadəsi önəmli rol oynayır.
Probiyotik nədir?
Probiyotiklər – sağlamlıq üçün faydalı olan mikroorqanizmlərdir. Araşdırmalar göstərir ki, uşaqlarda probiyotik istifadəsi həzm sisteminin yaxşılaşdırılması, immun funksiyalarının dəstəklənməsi və allergik reaksiyaların azaldılması baxımından əhəmiyyətlidir.
Həzm sistemi üçün faydaları
İshal və qəbizlik kimi tez-tez rast gəlinən həzm problemlərinin qarşısının alınmasında probiyotiklər mühüm rol oynayır. Faydalı bakteriyaların artımını dəstəkləyən bu mikroorqanizmlər həzm prosesini tənzimləyərək ümumi sağlamlığa müsbət təsir göstərir.
İmmun sisteminə təsiri
Probiyotiklərin erkən yaş dövrlərində immun sistemini gücləndirdiyi və uşaqları müxtəlif infeksiyalara qarşı daha dözümlü etdiyi sübut olunub. Eyni zamanda, allergik halların qarşısının alınmasında və simptomların yüngülləşdirilməsində də əhəmiyyətli nəticələr ortaya qoyulub.
Uşaqlarda probiyotik istifadəsi həzm sisteminin dəstəklənməsi, immunitetin gücləndirilməsi və allergik reaksiyaların azaldılması baxımından mühüm töhfələr verir. Lakin hər bir əlavə qida məhsulu kimi, probiyotiklərin də istifadəsi həkim nəzarəti və uyğun dozada həyata keçirilməlidir.
Əminə Bayramova
