Ermənistanın Gümrü şəhərində yarımçıq tikilinin yaxınlığında qollarında bıçaq xəsarətləri olan gəncin meyiti tapılıb. Bu barədə iyulun 24-də Ermənistan KİV-i məlumat yayıb.
Ölən 24 yaşlı rusiyalı hərbçi olub. O, 102-ci Rusiya hərbi bazasında xidmət edib. Onun şəxsiyyəti müəyyən edilib: o, 24 yaşlı Rusiya vətəndaşı K.Antonenkodur.
Gəncin meyiti hüquq-mühafizə orqanlarının əməkdaşları tərəfindən Bulvarin döngəsi 1-də aşkar edilib.
Hazırda ölüm səbəbi məlum deyil. Bu hadisə ilə bağlı araşdırma aparılır.
Almaz Həsənli
