Məlumata görə, alıcılardan biri Rusiya ordusu ilə əlaqəli olduğu deyilən "Promsintez" şirkətidir. Ukrayna xüsusi xidmət orqanları bu firmanın Rusiya Silahlı Qüvvələri ilə birbaşa bağlantısını iddia edir. Aprel ayında şirkətə məxsus zavodlardan biri Ukrayna dronlarının hücumuna məruz qalmışdı.
Araşdırmada qeyd olunur ki, Hindistanın Ideal Detonators Private Limited şirkəti oktoqen maddəsini iki partiyada Sankt-Peterburqa göndərib. Dəyəri 405,2 min dollar olan ilk partiyanı High Technology Initiation Systems (HTIS), bir milyondan çox dəyəri olan ikinci partiyanı isə Promsintez alıb. Hər iki şirkət Samara şəhərində yerləşir.
ABŞ hökuməti oktogeni "Rusiya hərbi maşını üçün həyati əhəmiyyətli" material kimi dəyərləndirir və bu maddənin satışında iştirak edən maliyyə institutlarını sanksiyalarla hədələyir.
Pentaqonun məlumatına görə, oktogen raket və torpedo başlıqlarının, raket mühərriklərinin və digər partlayıcı hərbi sistemlərin istehsalında istifadə olunur.
