25 iyul 2025-ci il tarixində Bakı Fond Birjasının (BFB) Listinq Komitəsinin qərarı ilə "FINCA Azerbaijan" MM QBKT-nin 1 milyon manatlıq istiqrazların ticarətə buraxılması üçün “Ticarətə İcazə” qərarı verilib.
Marja xəbər verir ki, bu barədə Birja məlumat yayıb.
Qeyd edilib ki, istiqrazların illik gəlirlilik faizi 15%-dir. Tədavül müddəti 18 ay olan istiqeazlar üzrə faizlər hər 3 aydan bir ödəniləcəkdir.
İstiqrazlar üzrə məlumat aşağıdakı kimidir:
Emitentin adı: "FINCA Azerbaijan" MM QBKT
Dövlət qeydiyyat nömrəsi – İSİN: AZ2009019202
İstiqrazların növü və forması: Faizli, təminatsız, sənədsiz, adlı istiqrazlar
Ticarət üsulu/forması: Kütləvi/ Birqiymətli hərrac
İstiqrazların sayı: 10 000 ədəd
İlkin ticarət qiyməti: 100 manat
İstiqrazların buraxılış həcmi: 1 000 000 manat
İllik gəlirlilik faizi: 15%
Ödəmə Periodu: İlk istiqrazın yerləşdirildiyi tarixdən etibarən hər 3 (üç) təqvim ayından bir (bir ayda 30 gün olduğunu qəbul etmək şərti ilə) ödəniliş
Tədavül müddəti: 18 ay
Ticarətə buraxılma tarixi: Emitent tərəfindən bildiriləcək
Anderrayter: “Unicapital İ.Ş.” ASC
Əlavə edək ki, "FINCA Azerbaijan" 2025-ci ilin iyun ayında da istiqraz yerləşdirilməsi yolu ilə 2 milyon manat cəlb edib. Həmin istiqrazların da illik gəlirlilik faizi 15%-dir.
