Növbəti mövsüm Azərbaycan Premyer Liqasında çıxış edəcək "İmişli"də narazılıq var.
Fanat.Az-ın əldə etdiyi məlumata görə, bölgə klubu futbolçulara ötən mövsümdən borclu qalıb.
2024/25 mövsümündə Birinci Liqanı 2-ci yerdə başa vuran Aran təmsilçisinin üzvləri maaşlarının verilməməsindən şikayətçidir. Söhbət may ayının maaşından gedir. Halbuki, Birinci Liqada mövsüm iki aydır başa çatıb. Amma əcnəbi mütəxəssisə və futbolçulara ətək-ətək pul verərək gətirən rəhbərlik may ayının əmək haqqılarını ödəmək barədə düşünmür.
Futbolçuların maaşlarının ödənilməməsi ilə bağlı xəbəri klubdan dəqiqləşdirməyə çalışsaq da, zəngimizə cavab verən olmadı.
Mirağa
