Almaniyanın "Bavariya" klubu İngiltərənin "Liverpul" komandasının cinah hücumçusu Luis Diasın transferi üzərində işlərini davam etdirir.
90deqiqe.Az-ın məlumatına görə, bu barədə Almaniyanın "Sky" nəşri məlumat yayıb.
Mənbəyə görə, Bundesliqa nəhəngi 28 yaşlı oyunçunun keçidi ilə bağlı "Liverpul"a yeni təklif göndərib. Təklifin dəqiq məbləği açıqlanmasa da, daha əvvəl "Bavariya"nın 67,5 milyon avroluq təklifinin "Liverpul" tərəfindən dərhal rədd edildiyi bildirilir. Yeni təklifin isə bu məbləğdən yüksək olduğu vurğulanır.
Futbolçunun özü "Bavariya"ya keçidə müsbət yanaşır və belə bir variantın real olması halında Münhen klubuna qoşulmaq istəyir. Hazırda Luis Dias klublar arasında razılığın əldə olunmasını sakit şəkildə gözləyir.
