Özbəkistanlı sahibkarlar Amerika bazarına yol açır
Newscenter.az "Sputnik Özbəkistan"a istinadən bildirir ki, bu barədə “Uztuximiksanoat” assosiasiyasının mətbuat xidməti məlumat yayıb. Məlumata görə, ABŞ-ın Nyu-York şəhərində keçirilən “Texworld New York City” beynəlxalq sərgisinin üçüncü günündə təqdimatlar fəal şəkildə davam edir.
Ticarət və Sənaye Palatasının və “Uztuximiksanoat” assosiasiyasının dəstəyi ilə “Made in Uzbekistan” milli brendi altında keçirilən bu mötəbər tədbirdə Özbəkistanın 30 aparıcı tekstil şirkəti iştirak edir.
Milli istehsalçılar öz pavilyonlarında parçalar, ipliklər, hazır geyimlər, müasir aksessuarlar və innovativ həllər nümayiş etdirirlər. Onlar məhsullarının yüksək keyfiyyətini, ekoloji cəhətdən təmizliyini və beynəlxalq standartlara uyğunluğunu dünyanın hər yerindən olan alıcılara və ekspertlərə təqdim edirlər.
Sərgidə iştirak etməklə Özbəkistan sahibkarları yeni ixrac bazarlarına çıxmaq, beynəlxalq brendlər və pərakəndə satış şirkətləri ilə uzunmüddətli əməkdaşlıq əlaqələri qurmaq, həmçinin qlobal tendensiyalar və innovasiyalarla tanış olmaq imkanı əldə edirlər.
Süleyman
