Roma, 28 iyul, AZƏRTAC
İtaliyanın Sardiniya adasındakı Villasimius çimərliyi ətrafında meşə yanğını baş verib.
AZƏRTAC xəbər verir ki, güclü küləyin təsiri ilə alov tez bir zamanda geniş əraziyə və iaşə obyektlərinə yayılıb. Əraziyə mülki müdafiə qüvvələri cəlb edilib.
Yanğın başlayarkən sahildə təxminən 600 nəfər olub, onlardan 200-ü patrul və fərdi qayıqlar vasitəsilə təxliyə edilib. Kalyari Liman İdarəsi dəniz xilasetmə əməliyyatları üçün səfərbər olunub. Əməliyyatlarda helikopterlər də iştirak edib.
Çimərlik ətrafındakı dayanacaqda onlarla avtomobil yanıb.
Nihad Budaqov
AZƏRTAC-ın xüsusi müxbiri
Roma
