ABŞ administrasiyası Kamboca və Tailand arasında sərhəd münaqişəsinin sülh yolu ilə həllinə kömək edəcək.
Operativ Media xəbər verir ki, bu barədə ABŞ-nin dövlət katibi Marko Rubionun bəyanatında deyilir.
"Dövlət Departamentinin rəsmiləri bu sülh səylərinə kömək etmək üçün Malayziyadadırlar. Həm prezident Tramp, həm də mən hər bir ölkədəki həmkarlarımızla əlaqə saxlamağa və vəziyyəti çox yaxından izləməyə davam edirik. Biz bu münaqişənin mümkün qədər tez bitməsini görmək istəyirik", - o, Dövlət Departamentinin mətbuat xidmətinin yaydığı bəyanatda bildirib.
İyulun 26-da Tramp Kambocanın baş naziri Hun Manet və Tailandın baş naziri səlahiyyətlərini icra edən Phumtham Vechayachai ilə telefonla danışaraq, hər iki tərəfin atəşkəslə bağlı danışıqlara hazır olduğunu bildirib. Bazar günü Malayziyanın xarici işlər naziri Mohamad Hassan Tailand və Kamboca liderlərinin iyulun 28-də Malayziyada danışıqlar aparacağını bildirib
