“Qəbələ Yazarlarına Dəstək“ ictimai birliyi “Qəbələ gənclərinin yaradıcılıq imkanlarının artırılması” layihəsinin növbəti təlimini keçirib.
“Qəbələ Yazarlarına Dəstək” ictimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəctəyi ilə “Qəbələ gənclərinin yaradıcılıq imkanlarının artırılması” layihəsi çərçivəsində növbəti 6-cı təlimini keçirib. 14.07.2025-ci il tarixdə Qəbələ Dövlət Peşə Təhsili Mərkəzində 14 nəfər (bu təlimdə bəzi iştirakçıların peşə təlimində olduqları, bəzilərinin gəzintiyə getdikləri üçün müvəqqəti iştirak etmir) yaradıcılıqla məşğul olmaq istəyən Benefisarlar üçün növbəti təlim təşkil edilib.
Təlimi layihə rəhbəri Rəna Mahmudova açaraq təlimin gedişi barədə öz fikirlərini iştirakçılara çatdırıb. O, bildirdi ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maddi dəstəyi ilə başladığımız “Qəbələ gənclərinin yaradıcılıq imkanlarının artırıllması” layihəsi uğurla davam edir:
“Artıq iyun və iyul aylarında 6-cı təlimdir ki, keçirilir. Bizdən asılı olmayan səbəbdən dəyişiklik olmasa avqustun 18-i tarixində təlimlərimiz yekunlaşaçaq. Mən əminəm ki, digər təlimlərimiz də yüksək səviyyədə keçiriləcək, qarşıya qoyduğumuz məqsədə- təlimdə iştirak edən iştirakçıların yaradıcılıq sahəsində uğurlar qazanmasına nail ola biləcəyik”.
Sonra təlimçi Fəxrəddin Babayev bildirdi ki, bu günkü təlimdə klassik şeir nümunələrindən- qəzəl, qəsidə, məsnəvi oxşar və fərqli cəhətlərindən söhbət açacayıq. Bir saatlıq təlim zamanı F. Babayev müxtəlif şairlərin şeirlərindən nümunələr gətirərək təlimi maraqlı və diskusiya şəklində davam etdirdi.
Maraqlı keçən təlimdəm sonra iştirakçılara çay, kofe stolu təklif edildi. İştirakçılar çay stolu ətrafında yazdıqları şeirləri qiraət etdilər. Təlimçi iştirakçıların şeirlərini, qiraətlərini dinlədikdən sonra iştirakcılara lazımi məsləhətlərini verdi. Fasilədən sonra iştirakçılarla gündəlikdəki mövzu davam etdirilmişdir. Layihə rəhbəri növbəti təlimin ayın 21.07.2025-ci il tarixdə saat 10:00-da QDTPM-də keçiriləcəyini iştirakçıların nəzərinə çatdırıb.
