“İnter” “Atalanta”nın hücumçusu Ademola Lukmanı heyətinə qatmaq üzrədir.
İdmanxeber.az-ın məlumatına görə, 27 yaşlı oyunçu Milan klubu ilə anlaşıb. Transferin bu həftə ərzində həll olunması gözlənilir.
“İnter” futbolçu üçün 45 milyon avro ödəyəcək.
Nigeriyalı forvardın “Atalanta” ilə müqaviləsinin müddəti 2027-ci ilin yayına qədərdir. O, son mövsümdə klubun heyətində parlaq çıxışı ilə diqqət çəkib və “İnter”in hücum xəttində yeni güc ola bilər.
