Naxçıvan, 28 iyul, AZƏRTAC
Bu il aprel ayının 1-dən indiyədək Naxçıvan Muxtar Respublikasında 43 nəfər ilansancma ilə bağlı xəstəxanalara müraciət edib.
Bu barədə AZƏRTAC-ın bölgə müxbirinə Naxçıvan Muxtar Respublikasının Səhiyyə Nazirliyindən məlumat verilib.
Həmçinin bildirilib ki, həmin müddətdə xəstəxanalara əqrəb sancması ilə bağlı 137, qara əqrəb sancması ilə əlaqədar 7, günvurma ilə bağlı isə 6 müraciət daxil olub.
