Nazir "X" sosial şəbəkəsində yazıb ki, razılaşma ABŞ-nin gömrük tariflərini artırmaq təhlükəsi ilə üzləşən Avropa iqtisadiyyatına qısamüddətli rahatlıq gətirəcək, lakin bu, yetərli deyil. O əlavə edib ki, ABŞ azad ticarətdən uzaqlaşaraq iqtisadi təzyiq və Ümumdünya Ticarət Təşkilatının qaydalarına məhəl qoymama siyasətini seçib.
Haddad vurğulayıb ki, Avropa İttifaqı ABŞ ilə ticarət münasibətlərində maraqlar balansını qorumaq uğrunda mübarizə aparmalıdır.
Qeyd edək ki, ABŞ prezidenti Donald Tramp Avropa Komissiyasının rəhbəri Ursula fon der Leyen ilə görüşdən sonra bildirib ki, ABŞ-yə daxil olan bütün Avropa mallarına 15% gömrük rüsumu tətbiq ediləcək, əvəzində Avropa İttifaqı Amerika məhsullarına tarif qoymayacaq. Əvvəllər Tramp administrasiyası Avropa İttifaqı məhsullarına 30% tarif tətbiq etməyi planlaşdırırdı. Tramp bu razılaşmanı "tarixdə ən böyük" adlandırıb.
