Arizona ştatının 50 yaşlı sakini Kristina Çapman Şimali Koreyalı hakerlərə böyük fırıldaqçılıq sxemində kömək etdiyinə görə 8,5 il həbs cəzasına məhkum edilib.
Publıika.az “Ars Technica” istinadən xəbər verir ki, o, Şimali Koreyadan olan hakerlər tərəfindən istifadə edilən 90-dan çox korporativ kompüter - "noutbuk ferması" təşkil etdiyi evinə giriş təmin edib.
Hakerlər VPN-lərdən, proksi-serverlərdən və “AnyDesk” kimi uzaqdan giriş proqramlarından amerikalı işçilər kimi görünmək və işi uzaqdan yerinə yetirmək üçün istifadə edərək, “Nike” da daxil olmaqla 300-dən çox Amerika şirkətindən maaş alıblar.
Çox vaxt bu "işçilər" məlumatları oğurlayıb və ya zərərli proqram quraşdırıblar.
Bunun üçün hakerlər ABŞ vətəndaşlarının şəxsi məlumatlarını oğurlayıb, saxta CV-lər hazırlayıb, işləmək hüquqlarını sübut etmək üçün I-9 blanklarını doldurublar. Çapman onlara kömək edibi, hətta ünvanından sənədlər göndərib, baxmayaraq ki, özü sənədləri imzalamaqdan qorxub. Bunun cinayət məsuliyyətinə səbəb olacağını başa düşüb. O, avtomobillərin uçotunu aparıb, kimin və harada “işlədiyini” göstərən stikerlərlə qeyd edib.
Məhkəməyə yazdığı məktubda o, xərçəng xəstəliyindən əziyyət çəkən anasının yanında olmağa imkan verəcək iş axtarışında bu sxemdə iştirak etməyə razı olduğunu izah edib. Həbsindən sonra Çapman FTB-yə təşəkkür edib, qurbanlardan üzr istəyib və azadlığa çıxandan sonra kitablar yazmaq, öz alt paltarı brendini yaratmaq istədiyini bildirib.
