Süni intellekt sahəsində ABŞ liderdir, Çin ikinci, Britaniya isə üçüncü yerdədir.
Yeniavaz.com xəbər verir ki, bu barədə məlumat Çin Elmi və Texnoloji İnformasiya İnstitutunun, həmçinin, Pekin Universitetinin birgə hazırladığı qlobal süni intellekt innovasiya indeksi üzrə hesabatında öz əlsini tapıb.
Hesabat Şanxayda keçirilən Ümumdünya Süni İntellekt Konfransında təqdim olunub.
Onun müəllifləri 46 ölkəni beş meyar əsasında araşdırıblar. Ölkələr həmçinin, 39 göstərici üzrə təhlil edilib və onların hər biri üç pilləli sistem üzrə qiymətləndirilib.
Hesabata görə, ABŞ süni intellekt üzrə dünyaya böyük fərqlə liderlik edir. 100 ballıq sistem üzrə ABŞ 77,97 balla birinci, Çin 58,01 balla ikinci, Böyük Britaniya 36,60 balla üçüncüdür.
İlk onluqda həmçinin, Yaponiya (33,77 bal), Koreya Respublikası (33,48 bal), Almaniya (32,22 bal), Sinqapur (31,57 bal), Fransa (30,98 bal), Kanada (29,79 bal) və Hindistan (29,41) yer alıb.
