ain.az bildirir, Oxumeni.az portalına istinadən.
Pakistan polisi çinli mühəndisi qətlə yetirən terrorçuları zərərsizləşdirib
Bazar ertəsi, iyulun 28-də Pakistan rəsmiləri bildiriblər ki, 2024-cü ilin noyabrında çinli mühəndislərə hücumun təşkilatçısı da daxil olmaqla, üç terrorçu Kəraçinin Manqopir bölgəsində keçirilən antiterror əməliyyatı zamanı öldürülüb.
AZƏRTAC Pakistanın “Daun” qəzetinə istinadla xəbər verir ki, keçən il noyabrın 5-də iki Çin vətəndaşı Kəraçidə bir tekstil fabrikində özəl mühafizəçi və digər şəxs tərəfindən güllələnib və yaralanıb. O zaman müstəntiqlər bunun məqsədyönlü hücum olduğundan şübhələnirdilər.
İnsidentdən sonra Pakistan Xarici İşlər Nazirliyi terror aktının araşdırıldığını bildirərək, hökumətin ölkədəki Çin vətəndaşlarının, layihələrinin və qurumlarının təhlükəsizliyi ilə bağlı zəmanətə sadiq olduğunu bildirib. Hadisədən sonra qaçan mühafizəçinin yeri müəyyən edilib. Pakistan DİN-in Terrorla Mübarizə Departamentinin baş müfəttişi Azad Xan bildirib ki, keçən ilin noyabrında Çin mühəndislərinə hücumu təşkil edən terrorçular Kəraçinin Manqopir bölgəsində keçirilən əməliyyat zamanı öldürülüb.
Qəzet yazır ki, əvvəllər də - 2022 və 2024-cü illərdə terrorçu qruplaşma Çin vətəndaşlarını hədəf alıb.
Çin vətəndaşlarına qarşı zorakılığın artması Pekinin təhlükəsizliklə əlaqədar narahatlığını, xüsusən də Çin-Pakistan İqtisadi Dəhlizi (CPEC) layihələrində irəliləyişlə bağlı bədbinliyi artırıb. Rəsmi İslamabad bununla bağlı polisə daha fəal antiterror tədbirləri həyata keçirməyi tapşırıb.
Oxuməni.az
Daha ətraflı məlumat və yeniliklər üçün ain.az saytını izləyin.
