Vaşinqton, 28 iyul, AZƏRTAC
ABŞ-ın Nevada ştatında kazino yaxınlığında atışma olub.
AZƏRTAC-ın məlumatına görə, hadisə Reno şəhərində baş verib.
Atışma nəticəsində iki nəfər ölüb, üç nəfər xəsarət alıb. Hadisəni törətməkdə şübhəli bilinən şəxsə qarşı polis atəş açıb və o, yaralanıb. Xəstəxanaya yerləşdirilən yaralıların vəziyyəti ilə bağlı hələlik heç bir məlumat verilməyib.
Polis hazırda ictimaiyyət üçün qorxulu vəziyyətin olmadığını açıqlayıb.
Məlahət Nəcəfova
AZƏRTAC-ın xüsusi müxbiri
Vaşinqton
